Count-down 開始！

仲有剛剛好六個月就會係我地結婚嘅大日子。
所以我覺得要特別地慶祝吓。
我叫咗周生一齊出去食飯，
佢車到我返屋企時，
我突然好有感觸咁，同周生講：
「佢（指周生㗎寶貝車）係三弟！」
周生當然唔明啦！我繼續：
「佢大佬（指周生第一架，同款跑車）見證我地愛情嘅開始，
佢二佬（周生第二架同款跑車）印證我地感情嘅延續，
而佢，就陪伴我地走入教堂。」
語畢，周生同我都笑到趴咗响度，
兼痺到全身毛管胴。
不過以上所講嘅係事實，
所以阿三弟做花車，
實在係不二之選。